Меню раздела

Горячие новости

11.11.2024
"Не прожигай свою жизнь!"

подробнее...

05.11.2024
Каникулы с пользой

подробнее...

05.11.2024
План мероприятий в рамках республиканской информационно-образовательной акции «Беларусь – энергоэффективная страна»

подробнее...

05.11.2024
11 ноября - Международный День Энергосбережения

подробнее...

30.10.2024
Порядок приема в учреждения образования МВД Республики Беларусь

подробнее...

Аб флікерах

  Наступіла пара, калі з кожным днём цемны час сутак павялічваецца, рана цямнее і позна світае. Не за гарамі той час, калі дзеці будуць ісці ў школу, а на двары цёмна, як ноччу. Школьнік у цемры становіцца зусім незаўважным. Вельмі добра, калі бацькі могуць суправаджаць сваё дзіця да школьнага ганка. Але не ўсім так пашанцавала! Што ж рабіць у такой сітуацыі, чым і як засцерагчы сваё дзіця, пакуль яно дойдзе да школы? Ды і не толькі да школы! Падлеткі любяць прагуляцца ўвечары па вуліцы, камусьці трэба вяртацца з гурткоў, секцый, ад рэпетытараў. Яны рызыкуюць трапіць пад машыну не менш!

  Выхад ёсць! І ён знаемы: ФЛІКЕР!

    Флікер (святлоадбівальнік) на вопратцы - на сённяшні дзень рэальны спосаб зберагчы дзіця ад траўмы на неасветленай дарозе. Прынцып дзеяння яго заснаваны на тым, што святло, трапляючы на рабрыстую паверхню з адмысловага пластыка, канцэнтруецца і адлюстроўваецца ў выглядзе вузкага пучка. Калі фары аўтамабіля "выхопліваюць" хай нават маленькі святлоадбівальнік, вадзіцель здалёк бачыць яркую светлавую кропку. Таму шансы, што пешаход, або веласіпедыст будуць заўважаны, павялічваюцца ў шмат разоў.

   Напрыклад, калі ў машыны ўключана блізкае святло, то звычайнага пешахода вадзіцель ўбачыць з адлегласці 25-40 метраў. А выкарыстанне флікера павялічвае гэтую лічбу да 130-240 метраў!

  Маленькая падвеска на шнурку ці значок на шпільцы замацоўваюцца на вопратцы, налепкі - на ровары, самакаце, заплечніку, сумцы. На першы погляд флікер (такую назву прыдумалі расійскія вытворцы святловяртальнікаў - кампанія "Сучасныя сістэмы і сеткі-XXI стагоддзе") выглядае як цацка. Але яго выкарыстанне, па меркаванні экспертаў па бяспецы дарожнага руху, знізіць дзіцячы траўматызм на дарозе ў шэсць з паловай разоў!

    У скандынаўскіх краінах (дзе, як і ў нас, зімой позна світае і рана цямнее) не толькі дзеці, але і дарослыя абавязаны насіць на вопратцы святловяртальнікі ў цёмны час сутак, прычым усюды, у тым ліку і на асветленых вуліцах. Фіны, напрыклад, высветлілі, што палова ўсіх траўмаў на дарозе адбываецца ў цемры або ў прыцемках, таму святловяртальнікі трэба насіць і пры пераходзе вуліцы, і пры руху па дарозе.

  Чым больш флікераў, тым лепш. У межах горада ДАІ рэкамендуе пешаходам абазначыць сябе святлоадбіўнымі элементамі на левай і правай руках, падвесіць па адным флікеры на рамень і ззаду на заплечнік. Такім чынам, самы аптымальны варыянт, калі на пешаходзе знаходзіцца 4 флікеры.

  Вытворцы адзення, асабліва, дзіцячага, пачалі актыўна выкарыстоўваць нашыўкі з святлоадбівальнымі тканінамі. На жаль, святловяртальнікі нашыты далёка не на ўсіх вырабах, а, акрамя таго, для патанення ў вытворчасці адзення ўжываюць святлоадбівальны матэрыял сашклошарыкамі, эфектыўнасць якога ніжэй. Напрыклад, у дождж гэтыя палоскі на куртцы або штанах перастаюць быць прыкметнымі, ды і адлегласць, на якім яны "працуюць", менш, чым у флікераў. 

    Якія флікеры самыя лепшыя? Купляйце флікеры толькі белага або лімоннага колеру. Менавіта яны маюць найбольш аптымальнае святло-вяртанне для таго, каб пешаход быў прыкметны ў цемны час сутак. Дарэчы, аранжавыя зайчыкі, зяленыя вавёрачкі, вогненна-чырвоныя сэрцы складана назваць флікерамі. Хутчэй за ўсе - гэта яркія сувеніры, якія так любяць маленькія дзеці і жанчыны, чые жаночыя сумачкі пастаянна ўпрыгожваюць падобныя цацкі.

     Але спадзявацца толькі на флікеры таксама не варта. Гэта ўсяго адзін са спосабаў пасіўнай абароны пешаходаў. Неабходна памятаць і аб іншых метадах рашэння праблемы дзіцячага дарожна-транспартнага траўматызму - пра выхаванне пісьменнага пешахода. Толькі ў комплексе яны змогуць забяспечыць бяспеку дзяцей на нашых дарогах.

ВАЖНА!

Правільныя (сертыфікаваныя) флікеры:

Бачнасць - 400 метраў

Пры хуткасці 90 км/ч флікер свяціцца 8 секунд

Пры хуткасці 60 км/ч - 24 секунды

Няправільны флікер:

Прыкметны на адлегласці 80 метраў

Пры 90 км/ч бачнасць 6 секунд

Пры 60 км/ч - 3 секунды

Каб купіць сапраўдны флікер, а не цацку-сувенір:

1) пытайцеся ў прадаўцоў, ці есць сертыфікат на флікер;

2) аддавайце перавагу беламу і лімоннаму колерам;

3) форму выбірайце самую простую: палоска, круг.

   Як паведамляе прэс-служба, штодня за адсутнасць флікераў у Беларусі прыцягваецца да адміністрацыйнай адказнасці 200-300 пешаходаў.

   Раней за неабазначэнне сябе ў цёмны час сутак святлоадбіўнымі элементамі пешаход атрымліваў папярэджанне або штраф да 0,5 базавай велічыні. З моманту ўступлення ў сілу паправак у Кодэкс аб адміністрацыйных правапарушэннях за адсутнасць флікера пагражае штраф у памеры ад адной да трох базавых велічынь. Больш таго, калі школьніка заўважаць работнікі інспекцыі па справах непаўналетніх, то ён будзе пастаўлены на ўлік. З ім і яго бацькамі будзе на працягу паўгода праводзіцца работа па прафілактыцы правапарушэнняў і злачынстваў!

   У Дзяржаўтаінспекцыі лічаць, што там, дзе не працуе інстынкт самазахавання, можа спрацаваць страх страціць кроўна заробленыя. Аднак, калі за адсутнасць флікера вас могуць аштрафаваць, то за яго няправільнае нашэнне – максімум «пожурят». Святлоадбівальны элемент – гэта не абярэг, яго наяўнасць само па сабе не гарантуе бяспекі. Вадзіцель павінен убачыць флікер – тады ен заўважыць вас і паспее адрэагаваць у складанай сітуацыі. Дамагчыся максімальнага эфекту ад выкарыстання флікераў можна, калі прымацоўваць іх так, каб яны былі бачныя з усіх бакоў.

  Святлоадбівальную стужку можна завязаць на рукаве ці на штанах, а падвеску прышпіліць шпількай да адзення. Яна павінна вісець на вышыні калена з боку праезнай часткі.

Выбор языка

Новости министерства образования

Счетчик посещений